Pages

Thursday, 20 October 2011

आदत

क्या पता छूटेगी कब 
बरसोंकी यह आदत मेरी 
साँस लेने की गुज़ारीश
दिल में हैं हर पल मेरी 

बोलना चाहा ज़ुबांने
थम गयी धड़कन मेरी 
होठ से लिपटी हैं जो 
वह बात हैं ख्वाहीश मेरी 

क़दमों की आहट सून के मेरे
ना छूपा कर तू कभी 
सामने आ तू ज़रा 
सुन ले ज़रा दस्तक मेरी 

भीग भी जाए, तो क्या हैं गम 
हैं क्या अफ़सोस क्या 
भीगने के ही लिए तो 
आज हैं बारीश मेरी 

कोशिशे की लाख,
ख्वाबोंको भी न्योता दे दिया,
पर रात भी ना सो सकी 
यूँ छीन कर नींदें मेरी 



Thursday, 6 October 2011

निशिगंध


वाट पाहत थांबले
डोळे तुझ्या वाटेवरी
स्वप्नातही दिसते न आतां
चांदणे निजल्यावरी

झन्कारालेली तार माझी
छेडीता तू स्पर्शूनी
रोमांच-भरले  नाद-मोहर
बहरले वीणेवरी

मारलेली हाक जी
परतून ना आली कधी
प्रत्येक हाकेचे दिसे
पाउल उंबरठ्यावरी

पाखराने वळचणीचा
आसरा का शोधला
आकाश चिंताक्रांत अन
दाही दिशा मागावरी

शेंदूर देठाचा कसा
प्राजक्त गेला फासूनी
पाऊल अलगद सांडता
मृद्गंध-लुब्ध सड्यावरी

निशिगंध आहे त्याच जागी
लाविला होता जिथे
निरोप आले अत्तराचे
वाहत्या वाऱ्यावरी

Wednesday, 5 October 2011

पाउलवाट


पायवाटेच्या दिशेने 
चालती सारे
पाय वळती ज्या दिशेला 
वाट ती माझी  

राजरस्ते ना कधीही 
पाहिले आम्ही 
वाट अमुची एकटी अन
एकाटासा मी  

चालताना भान नव्हते 
चाललो कोठे
चांदणे न्याहाळताना 
वाट चुकलो मी 

खूप काही दाविले 
नवख्याच वाटेने
वाट चुकलेली तरीही 
मी समाधानी 

वाहणाऱ्या​ निर्झराशी 
बोललो होतो
थांबलो ऐकून
त्याचे बोल सोनेरी

वाहत्या पाण्यात अक्षर
कोरले होते
चोरले पाण्यामधुनि 
शब्द काही मी

सुचविली यमके
जराशी याच वाऱ्याने
मी नव्हे हो त्यातला
चोर नवखा मी

सोडतो पाण्यात
करूनी नाव शब्दांची
पाहुया नेते कुठे
भटका मुसाफिर मी

Saturday, 1 October 2011

आज


बिलगुनी बसले दवाचे थेंब पात्यावर पुन्हा 
का पहाटे चंद्र ओला, कोरडा अन मी पुन्हा 

डोह होता मेघवर्णी काल सांजेला जरी 
उमटली स्वर्णाक्षरे हलकेच पाण्यावर पुन्हा 

किलबिलाटाने सुरू झाल्या जिण्याच्या मैफिली 
सूर-लहरी भैरवीच्या छेडील्या  गेल्या पुन्हा 

झाकिली स्वप्ने उद्याची काल ज्यांच्या आड त्या
पापण्यांची बघ कवाडे लागली उघडू पुन्हा   

भूतकाळाच्या कुपीला दडवूनी उदरामध्ये 
घेउनी स्वप्ने उद्याची आज अवतरला पुन्हा

शोधूनि पाहू पुन्हा पुन्हा तुझ्या पाऊलखुणा 
भेटशील केव्हातरी अन बोलशील का तू पुन्हा?